Þorrablót var haldið hér hjá okkur í Laugalandsskóla síðastliðinn föstudag með pompi og prakt. Hlaðborðið var hlaðið þorramat að hætti Helgu Fjólu og stelpunum í eldhúsinu og mátti finna þar smakk af því allra helsta. Það var þjóðlegt um að litast, krakkar og starfsfólk voru klædd í ullarpeysur og lögðu krakkarnir í 5. og 6. bekk á borð og skreyttu salinn.
Eins og venja hefur verið síðastliðin ár fá allir krakkar 3 vísur til að botna í anda þorrans og veittar eru viðurkenningar fyrir besta botninn í 1.-4. bekk, 5.-7. bekk og 8.-10. bekk en einnig fyrir fyndnasta botninn. Einn hlýtur svo Þorraþrælinn fyrir best orta botninn af öllum. Virkilega gaman að sjá hvað þetta lá vel fyrir mörgum og margir skemmtilegir botnar urðu til. En hér fyrir neðan má sjá þá botna sem stóðu upp úr þetta árið.
_
Þorrarællinn 2022
Ferlegur er fnykur súr
Fýlan vitin fyllir
Dríf ég mig þá í drykkjutúr
Dansgólfið ég trylli
Höf. Herdís Björg Jóhannsdóttir 10. bekk
_
Fyndnasti botninn
Lundabagg‘og langreiðskepp
Ljúft ég niður renni
inn á klósettið ég skrepp
og endaþarminn brenni
Höf. Elísabet Líf Sigvaldadóttir 7. bekk
_
1.-4. bekkur
Úti allt í frost og snjó
Frostrós vex á glugga
Grílukerti stutt og mjó
Og úti sé ég skugga.
Höf. Helgi Hrafn Sigvaldason 3. bekk
_
5.-7. bekkur
Nú Þorrinn genginn er í garð
gott fæ ég að eta
vonandi ekki kindasparð
ekki vil ég freta.
Höf. Örvar Elí Pierreson 6. bekk
_
8. -9. bekkur
Þorrinn senn á enda er
Eftir kemur Góa
Auga úr hrúti úr ég sker
Ei ber því að sóa
Höf. Hulda Guðbjörg Hannesdóttir 8.bekk
