Við státum af góðu og sterku foreldrafélagi sem vinnur þétt og vel með skólanum og nemendum hans og fyrir það erum við þakklát. Það – ásamt foreldrafélagi Leikskólans á Laugalandi stóð fyrir frábærum fyrirlestri í gærkveldi sem nefndist Hvað liggur á bak við erfiða hegðun með henni Aðalheiði sem stendur á bak við Ég er UNIK , það voru á milli 40 og 50 manns sem mættu á fyrirlesturinn og er það bara frábært og gefur til kynna að foreldrar láti sig starfið varða. Því er vert að minna á að nú stendur stendur til að halda aðalfund Foreldrafélags Laugalandsskóla miðvikudaginn 11.september, kl. 19.30 í matsal skólans. Við vonum að það verði vel mætt á þann fund og vakin er athygli á því að 3 aðalmenn ganga úr stjórn og kjósa þarf nýja í þeirra stað. Léttar veitingar verða í boði foreldrafélagsins.
Í félaginu eru allir foreldrar sem eiga börn í skólanum. Hlutverk foreldrafélags er að styðja við skólastarfið, stuðla að velferð nemenda og efla tengsl heimilis og skóla. Hlutverk stjórnar er að skipuleggja viðburði á vegum félagsins og vera tengiliður foreldra við skólann. Undir flipanum foreldrar hér á síðunni má lesa sér betur til um starfsemina.
Athugið að foreldrafélagið er með facebooksíðu sem heitir sama nafni og við hvetjum alla foreldra til að fylgjast vel með þar
