Markmið

Laugalandsskóli leggur áherslu á að skapa öruggt og heilbrigt námsumhverfi þar sem velferð, öryggi og farsæld nemenda eru í fyrirrúmi. Markmið áætlunarinnar er að:

• stuðla að heilbrigðum lífsháttum nemenda,
• efla þekkingu nemenda á áhrifum áfengis, tóbaks, nikótínvara og annarra vímuefna,
• styrkja sjálfsmynd, félagsfærni og ábyrgð nemenda,
• fyrirbyggja neyslu áfengis, tóbaks, nikótínvara og annarra vímuefna,
• tryggja skýr viðbrögð ef grunur vaknar um neyslu eða vörslu vímuefna.

Áætlunin byggir á gildum skólans um samvinnu, traust og vellíðan og á nánu samstarfi heimila, skóla og nærsamfélags.

Forvarnarstarf

Forvarnir eru samþættur þáttur í öllu skólastarfi. Áhersla er lögð á:

• fræðslu um heilbrigða lífshætti í námsgreinum og verkefnum skólans,
• fræðslu um áhrif áfengis, nikótíns, tóbaks, rafsígaretta og annarra vímuefna,
• eflingu sjálfsmyndar, seiglu og félagsfærni,
• jákvæð samskipti og góðan skólabrag,
• samstarf við foreldra, heilsugæslu, lögreglu og aðra samstarfsaðila eftir því sem við á.

Reglur

Regla 2 í skólareglum Laugalandsskóla er Heilbrigði en þar segir meðal annars: …öll notkun orkudrykkja, nikótínvara, áfengis og annarra vímuefna er stranglega bönnuð (sjá reglur og meðferð agabrota á heimasíðu skólans). Undir þessa reglu fellur því að bannað er að:

• koma með áfengi, tóbak, nikótínvörur, rafsígarettur eða önnur vímuefni í skólann,
• vera undir áhrifum slíkra efna á skólatíma,
• nota eða dreifa slíkum efnum á skólalóð eða í skólaferðum og viðburðum á vegum skólans.

Reglur skólans gilda um allt skólastarf, bæði innan skólans og í ferðum, vettvangsferðum og öðrum viðburðum á vegum skólans

Viðbrögð

Vakni grunur um að nemandi sé undir áhrifum vímuefna eða hafi slík efni undir höndum skal starfsmaður fara eftir viðbrögðum við agabrotum skólans og færa viðbrögð á það stig sem hann telur réttast í samráði við stjórnendur sjá skýringarmynd með meðferð agabrota. Viðbrögð miðast meðal annars við hvort um grun sé að ræða eða hvort um staðfestan grun sé að ræða. Þá þarf einnig að taka tillit til þess hvort þetta sé fyrsta brot eða ítrekað brot.

Hlutverk foreldra

Foreldrar eru mikilvægir samstarfsaðilar í forvörnum. Skólinn leitast við að:

• veita foreldrum upplýsingar um forvarnir og stöðu mála,
• efla samstarf heimila og skóla,
• hvetja foreldra til að setja skýr mörk varðandi áfengi, nikótín og önnur vímuefni.

Endurskoðun

Áætlunin skal kynnt starfsfólki, nemendum og foreldrum og endurskoðuð reglulega eða þegar tilefni gefst til.

_{Síðast endurskoðuð vor 2026}